喺尖沙咀行完街朋友想食沾麵，記得神山麵屋喺尖沙咀開咗新分店就去咗食。原本想叫尖沙咀分店限定重量級「火山極盛豚肉沾汁麵 」，可惜我哋太晏去已經賣哂。
於是我哋叫咗神豚燒叉燒沾汁麵同神山豚角沾汁麵，仲叫咗兩款炸物開心share。
沾麵嘅湯底都非常香濃鮮味，食得出湯頭用咗大量豚骨、豚肉同魚介 長時間熬製而成。麵用咗坊間好少見嘅自家特製坑紋麵，掛湯能力強。燒叉燒外型同口感都有d似豬扒，同一般拉麵店嘅叉燒唔同。至於豚角外邊炙燒過非常香，而且肥瘦分明，入口即化。
兩款小食吉列廣島蠔同唐揚豆池魚都有驚喜。外層炸得金黃嘅吉列蠔，入面包住嘅係細滑鮮嫩嘅廣島蠔。而豆池魚一口一條，咸香酥脆。
同場加映梅子青檸梳打同巨峰梳打。
。
。
神山麺屋
尖沙咀漢口道17號新聲大廈地下AK及B號舖
。
。
Search